Ymestyn Hawliau
Cynorthwyo Pobl Ifanc o 11 i 25 oed yng Nghymru
Gweithio gyda`n gilydd i roi hawliau i bobl ifanc
`Ymestyn Hawliau` yw polisi arloesol Llywodraeth Cynulliad Cymru ar gyfer gwasanaethau cymorth i ieuenctid yng Nghymru. Mae`n cwmpasu`r holl wasanaethau, cefnogaeth a chyfleoedd ar gyfer pobl ifanc rhwng 11 a 25, pa le bynnag y maent yn digwydd, pwy bynnag sy`n eu darparu, ac o ba le bynnag y daw`r cyllid. Mae ystod eang o sefydliadau lleol yn gyfrifol am helpu pobl ifanc i ddatblygu, a bydd gan bob un o`r sefydliadau ran i`w chwarae yn y gwahanol gamau o`u datblygiad. Mae`r polisi "Creu`r Cysylltiadau" yn canolbwyntio ar ddod â gwasanaethau at ei gilydd er mwyn ceisio eu darparu`n fwy effeithiol.
Y Gwasanaeth Ieuenctid
Mae Gwaith Ieuenctid yn cwmpasu ystod eang o weithgareddau, yn ymwneud ag addysg yn ei hystyr ehangaf. Mae gwaith ieuenctid yn ymwneud ag addysg a datblygiad, cymdeithasol a phersonol, pobl ifanc rhwng un ar ddeg a 25 oed, yn enwedig rhai 13 i 19 oed.
Y Bartneriaeth Pobl Ifanc
Y Bartneriaeth Pobl Ifanc yw’r mecanwaith ar gyfer cyflwyno gwasanaethau cymorth ieuenctid i bobl ifanc yng Nghymru. Mae’r term yn cyfeirio at y bartneriaeth a arweinir gan yr awdurdod lleol, sy’n cynllunio, yn cydlynu ac yn goruchwylio pob gwasanaeth cymorth ieuenctid mewn ardal yn unol â fframwaith statudol Deddf Dysgu a Sgiliau 2000.
Mae Ymestyn Hawliau a chyfarwyddiadau ac arweiniad cysylltiedig yn gosod y
fframwaith ar gyfer darparu gwasanaethau cymorth ieuenctid yng Nghymru a
chyfrifoldebau’r awdurdodau lleol.