Partneriaeth Pobl Ifanc Gwynedd

Beth ydy Cynllun Cymorth ?

• Mae'r Cynllun yn dangos sut mae grant o'r Cynulliad sy'n werth £1.3 miliwn am gael ei wario
• Mae pob Awdurdod Lleol yn gorfod gwneud Cynllun Cymorth
• Mae tair partneriaeth (grwpiau o bobl sydd yn gyfrifol am bethau fel Ysgolion, Clybiau Ieuenctid, Nyrsys, Cylchoedd Meithrin a phrosiectau fel Cychwyn Cadarn) wedi ei sefydlu i helpu ddod â'r cynllun at ei gilydd
• Y Bartneriaeth Fframwaith sydd yn gyfrifol am benderfynu sut mae'r arian am gael ei wario

Beth ydy pwrpas y Cynllun ?

• Mae'r Cynllun wedi ei baratoi i ddangos sut mae arian o'r grant am wneud gwahaniaeth i fywydau plant, pobl ifanc a'u teuluoedd yng Ngwynedd
• Prif bwrpas yr arian grant sy'n dod gyda'r Cynllun yw cefnogi pethau sy'n gweithio'n dda neu drio pethau newydd
Beth sydd yn y Cynllun ?
• Mae'r Cynllun yn dangos sut mae'r partneriaethau wedi penderfynu gwario'r arian
• Mae'n dangos pam bod y partneriaethau wedi penderfynu gwario'r arian ar bethau penodol
• Mae'n dangos fod yr arian sy'n cael ei wario yn mynd at gyrraedd amcanion mae'r partneriaethau wedi cytuno arnynt h.y.:

Bod pob plentyn a pherson ifanc:

• Yn cael cychwyn da i fywyd

• Yn gallu cael cyfleoedd i dderbyn addysg, hyfforddiant a dysgu i feithrin sgiliau personol a chymdeithasol

• Yn mwynhau'r iechyd gorau posibl heb gael ei gam-drin, na'i ecsbloetio

• Yn cael y cyfle i chwarae, hamdden, cael gwneud chwaraeon a gweithgareddau diwylliannol
• Yn cael clust gan bobl ar ac yn cael eu trin a pharch
• Yn cael cartrefi a chymunedau diogel
• Ddim o dan anfantais oherwydd tlodi a materion eraill
• Yn manteisio o amgylchedd sy'n ceisio cefnogi cyfleoedd gwaith a busnes addas

Sut mae'r Cynllun yn gwybod beth ydy barn plant a phobl ifanc am eu cymunedau a'r pethau sydd yno??

Esiamplau o wrando ar leisiau a barn plant, pobl ifanc, a'u teuluoedd
• Er mwyn gwybod beth i'w gynnwys yn y cynllun mae wedi bod yn bwysig gwrando ar blant, pobl ifanc a'u teuluoedd
• Dros y 3 mlynedd diwethaf mae cynlluniau Cychwyn Cadarn wedi gweithio'n agos gyda phlant a'u teuluoedd i helpu adnabod a dod dros broblemau
• Yng Ngwynedd mae sawl Fforwm Ieuenctid wedi ei datblygu er mwyn cefnogi a helpu pobl ifanc lleisio'u barn
• Mae Cynllun Clywed yn cyflogi pobl ifanc i fynd allan i weld os yw gwasanaethau fel canolfannau hamdden, llyfrgelloedd, clinigau iechyd yn gyfeillgar tuag at blant a phobl ifanc

Camau nesaf?

• Mae'r Cynllun yn dangos pa gynlluniau/prosiectau sydd am dderbyn arian yn 2004-05
• Mae'r cynllun hefyd yn dangos sut mae'r partneriaethau am wneud yn sïwr fod y cynlluniau yn cyrraedd eu targedau

Pwy sydd am wneud yn sïwr fod y gwaith yn cael ei gwblhau?

• Mae'r Cynllun yn helpu wrth ddangos pa bryd dylai'r gwaith gael ei gwblhau
• Mae'r partneriaethau yn gorfod gwneud yn sïwr fod y gwaith yn cael ei wneud wrth fonitro cynlluniau ar gyfnodau arbennig o'r flwyddyn

Os ydych angen copi o'r cynllun llawn neu eisiau cynnig sylwadau mae croeso i chi gysylltu a -
Sioned Owen ar 01286 679491, neu drwy e-bost ar SionedAnnOwen@gwynedd.gov.uk